దర్శకుడిని అవుదామని వచ్చి లక్ కొద్ది కమెడియన్ అయ్యా- సప్తగిరి

0
19

సప్తగిరి… వెండితెరమీద కనిపించగానే చాలు ప్రేక్షకులను పొట్ట చెక్కలయ్యేలా నవ్విస్తాడు. చాలా తక్కువ కాలంలోనే స్టార్ కమెడియన్ గా ఎదిగిన ఈ చిత్తూరు కుర్రాడు… హీరోగా అవతారం ఎత్తి నిర్మాతల హీరోగా మారిపోయాడు. తన మొదటి సినిమ ‘సప్తగిరి ఎక్స్ ప్రెస్’తో నిర్మాతకు లాభాల పంట కురిపించాడు. ఆ తరువాత ‘సప్తగిరి ఎల్.ఎల్.బి’తో వచ్చి నటనలో ఔరా అనిపించాడు. తాజాగా ‘వజ్ర కవచ ధర గోవింద’గా మనల్ని అలరించడానికి రాబోతున్నాడు. ఈనెల 14న ఈ చిత్రం ప్రేక్షకుల ముందుకు రాబోతోంది. ఈ సందర్భంగా సప్తగిరి మీడియాతో ముచ్చటించారు. ఆ విశేషాలేంటో అతని మాటల్లోనే…

`స‌ప్త‌గిరి ఎక్స్ ప్రెస్‌, స‌ప్త‌గిరి ఎల్ ఎల్ బి త‌ర్వాత ఇప్పుడు చేస్తున్న మూడో సినిమా `వ‌జ్ర‌క‌వ‌చ‌ధ‌ర‌గోవింద‌`. నేను హీరోగా చేసిన తొలి సినిమాకు మంచి పేరు, డ‌బ్బు వ‌చ్చాయి. రెండో సినిమాకు పేరు మాత్ర‌మే వ‌చ్చింది. ఇప్పుడు మూడో సినిమాగా `వ‌జ్ర‌ క‌వ‌చ‌ ధ‌ర‌ గోవింద‌` చేశా. ఈ సినిమాకు అంద‌రి ఆశీస్సుల‌తో పేరూ, డ‌బ్బులూ రెండూ రావాలి. నాకున్నంత‌లో చాలా చిన్న బ‌డ్జెట్‌లో చేసిన సినిమా ఇది. భ‌గ‌వంతుడి ద‌య‌వల్ల చిన్న బ‌జ్ వ‌చ్చింది. ఆ బ‌జ్‌ని నిలుపుకునే ప్ర‌య‌త్నం చేస్తున్నా. ఈ సారి మాత్రం ప్రేక్ష‌కులు ఒక క‌మెడియ‌న్ స‌ప్త‌గిరిని చూడ‌టానికి థియేట‌ర్‌కి రావ‌చ్చు. నా తొలి సినిమాలో నేను ఎమోష‌న్‌ని బాగా క్యారీ చేశాన‌నే పేరు తెచ్చుకున్నా. రెండో సినిమాలో కోర్టు సీన్లు బాగా చేశాన‌ని పేరు తెచ్చుకున్నా. ఈ సినిమాలో వాట‌న్నిటిని బ్యాల‌న్స్ చేస్తూ, ఓ మంచి క‌థ చెబుతూ, దాని చుట్టూ ఓ మంచి ఎంట‌ర్‌టైన్‌మెంట్‌ని అల్లాం. తప్పకుండా అన్ని వర్గాల ప్రేక్షకులకు నచ్చుతుంది. ఇందులో నేను చిన్న చిన్న దొంగతనాలు చేసే దొంగ పాత్ర నాది. వ‌జ్రం చుట్టూ తిరిగే క‌థ ఇది. ఈ సినిమాలో నా పాత్ర పేరు గోవిందు. నేను దొంగ‌ని. వ‌జ్రానికి, గోవిందుకు ఉన్న సంబంధం ఏంటి? ఆ వ‌జ్రం వ‌ల్ల అత‌ను ఎన్ని ఇబ్బందులు ప‌డ్డాడు? ఎన్ని లాభాలు పొందాడు? ఎంత ఎంట‌ర్‌టైన్ చేశాడు? ఎంత భావోద్వేగాల‌కు గురిచేశాడు అనేదే ఈ సినిమా.

దర్శకుడు అరుణ్ ప‌వార్‌తో గ‌త సినిమా చేస్తున్న‌ప్పుడే మ‌నం క‌లిసి రెండో సినిమా చేద్దాం అని మాటిచ్చా. నాకు `వ‌జ్ర‌క‌వ‌చ‌ధ‌ర‌గోవింద‌` క‌థ బ‌య‌టి నుంచి వ‌చ్చింది. మ‌హేంద్ర‌, ప‌చ్చ‌ల ప్ర‌కాశ్‌తో పాటు ఇంకో అబ్బాయి క‌లిసి ఈ క‌థ త‌యారు చేశారు. ఈ క‌థ ఎవ‌రు డైర‌క్ట్ చేస్తే బావుంటుంద‌ని అనుకుంటే, అప్పుడు మ‌ళ్లీ నాకు `స‌ప్త‌గిరి ఎక్స్ ప్రెస్‌` డైర‌క్ట‌ర్ అరుణ్ గుర్తొచ్చాడు. వెంట‌నే అరుణ్‌ని పిలిచి ఇచ్చాం. ఆయ‌న చాలా మంచి జాబ్ చేశారు. ఈ సినిమా క‌థ‌ను 15-20 మందికి చెప్పా. ఎవ‌రూ క‌వ‌చ‌ధ‌ర అనే ప‌దాన్ని ప‌ల‌క‌లేక‌పోయారు. గోవింద‌నామం స‌దా అజేయం, విజేయం అన్న‌మాట‌. నేను వెంక‌టేశ్వ‌ర‌స్వామి భ‌క్తుడిని కాబ‌ట్టి, వ‌జ్రం, గోవిందు క‌లిసి రావ‌డంతో గోవింద‌ నామాల్లో ఒక‌టైన వ‌జ్ర‌క‌వ‌చ‌ధ‌ర‌గోవింద అని పెట్టాం. నా గత రెండు సినిమాల్లో కామెడీ కాస్త త‌క్కువ‌గా చేశా. మెసేజ్ ఎక్కువ చేశా. అలా చేయ‌డానికి కార‌ణం నాలో ఉన్న అసిస్టెంట్ డైరక్ట‌ర్‌. నేను అసిస్టెంట్ డైర‌క్ట‌ర్‌గా ఏడేళ్లు ప‌నిచేశా. అప్ప‌ట్లో నాకున్న థాట్ ప్రాస‌స్ మొత్తం ఆ సినిమాల్లో క‌నిపించింది. నా ఆలోచ‌న‌ల ప్రభావం వాటి మీద క‌నిపించింది. వాటి రెండిటిలో ఉన్న‌ట్టే ఇందులోనూ మెసేజ్ ఉంటుంది. హీరోగా నేను న‌టించేట‌ప్పుడు మెసేజ్ ఉండేట‌ట్టు చూసుకుంటా. దానికి కారణం కృష్ణవంశీ సింధూరం, శంకర్ తీసిన భారతీయుడు సినిమాలే. వీళ్లిద్దరినీ చూసే నేను డైరెక్టర్ అవుదామని ఇండస్ట్రీకి వచ్చా. లక్ కొద్ది కమెడియన్ అయ్యా.

నాకు దర్శకత్వం గురించి తెలుసు కాబట్టి… నాకు తోచించి చెబుతానండీ. నాకు న‌చ్చింది అవ‌త‌లివాళ్ల‌కు న‌చ్చితే ఓకే. న‌చ్చ‌క‌పోయినా నో ప్రాబ్ల‌మ్‌. నాకు ఏమైనా డౌట్లు వ‌చ్చిన‌ప్పుడు అవ‌త‌లివాళ్లు వాటికి ఆన్స‌ర్ చేస్తే ఇక క‌న్విన్సింగ్ ఏమి ఉంటుంది. నాకు దర్శకత్వం చేసే ఉద్దేశం లేదు. కేర‌క్ట‌ర్లు వ‌స్తే క‌మెడియ‌న్‌గా చేయ‌డానికి నేనెప్పుడూ సిద్ధ‌మే. ఇంత‌కు ముందు ఈ విష‌యాన్ని చాలా సార్లు చెప్పా. కానీ ఇప్పుడు ఓపెన్‌గా చెబుతున్నా, సీరియ‌స్‌గా చెప్తున్నా… నాకు కేర‌క్ట‌ర్లు రావ‌డం లేదు. హీరోగా చేస్తున్నాడు క‌దా, ఇక క‌మెడియ‌న్‌గా ఏం చేస్తాడులే అని అనుకుంటున్నారేమో. కానీ నేను చాలా ఇంట‌ర్వ్యూల్లో చెప్పా. ఆ త‌ర్వాత ప‌ర్స‌న‌ల్‌గానూ చాలా మందికి చెబుతున్నా. క‌మెడియ‌న్‌గా కేర‌క్ట‌ర్లు వ‌స్తే చేయ‌డానికి సిద్ధం. నేను ఒక‌టి న‌మ్ముతానండీ. అంద‌రి జీవితాలు ఒకేలా ఉండ‌వు. ఐదు వేళ్లు ఒకేలా ఉండ‌వు. సునీల్ అన్న‌లా నేనుండ‌ను. ఆయ‌న ఆర‌డుగులు ఉంటాడు. నేను ఐద‌డుగులే. ఆయ‌న సిక్స్ ప్యాక్ చేశాడు. నేను యోగా నేర్చుకున్నా. ఆయ‌న‌ది భీమ‌వ‌రం. నాది చిత్తూరు. అందరి జీవితాలు ఒకేలా ఉండ‌వు. వాళ్ల వాళ్ల ప్రాప్తం. వాళ్ల వాళ్ల జీవితాల‌న్న‌మాట‌. నేను క‌థ‌ను న‌మ్ముతా. క‌థే న‌న్ను ముందుకు తీసుకెళ్తుంది. నా శ‌క్తికి మించిన‌దైనా బాగా చేయాల‌నే అనుకుంటా. క‌థ లేక‌పోతే ఏ సినిమా అయినా ఇప్పుడు ఆడే ప‌రిస్థితుల్లో లేవు. ఇక‌మీద‌ట కూడా క‌థ‌నే న‌మ్ముకుంటా. డ్యాన్సులు, ఫైట్లు వంటి ఎలివేష‌న్ల విషయంలో ఏమైనా పొర‌పాట్లు ఉంటే దాన్ని దిద్దుకునే ప్ర‌య‌త్నం చేస్తా. గ‌త రెండు సినిమాల్లో డ్యాన్సులు, ఫైట్లు బాగా చేశా. అందుకే ఈ సినిమాలో కాస్త ప‌క్క‌న పెట్టా. నా ఉద్దేశంలో నేను చెమ‌ట చిందిస్తేనే డ్యాన్సులు వేయ‌గ‌ల‌ను. ఇష్టంతోనే చేయ‌గ‌ల‌ను. అంతేగానీ చెమ‌ట చింద‌కుండా, రాత్రికి రాత్రి ఎవ‌రి ద‌గ్గ‌రికో వెళ్లి నాలుగు డ్యాన్సులు తెచ్చుకుని నింపేయ‌లేదు. నేను క‌ష్ట‌ప‌డే చేశా. అది కూడా ప్రేక్ష‌కుల‌ను ఎంట‌ర్‌టైన్ చేయొచ్చేమో, వాళ్ల నుంచి మెప్పు పొంద‌వ‌చ్చేమో అనే ఆశ‌తోనే చేశా.

క‌మెడియ‌న్ ఇమేజ్ అనేది హీరోకు 100 శాతం అడ్డు వ‌స్తుంది. కానీ త్వ‌ర‌లోనే ఓవ‌ర్‌క‌మ్ చేస్తాను. అలాంటి మంచి క‌థ‌లు ఎంపిక చేసుకుంటున్నా. న‌న్ను నేను న‌మ్ముకున్న వ్య‌క్తిని. కాబ‌ట్టి నాకు స‌క్సెస్ వ‌స్తుంద‌ని న‌మ్ముతున్నా. ఇంకో చిన్న విష‌యం ఏంటంటే ఇండ‌స్ట్రీకి నేను 100 శాతం క‌మెడియ‌న్ అవుదామ‌ని మాత్రం రాలేదు. నేను అసిస్టెంట్ డైర‌క్ట‌ర్‌గా చేస్తున్న స‌మ‌యంలో నాలోని క‌మెడియ‌న్‌ని కొంద‌రు గుర్తించారు. ప్రామిస్ చేసి చెబుతున్నా… నాలో క‌మెడియ‌న్ అనేవాడు లేడు. కానీ న‌న్ను అబ్జ‌ర్వ్ చేసిన వాళ్లు అలా పాత్ర‌లు రాశారంతే. ఇవాళ్టికీ నా కామెడీని చూసి ఒకే ఒక్క సినిమాకే న‌వ్వా. అలా న‌వ్విన సినిమా వెంక‌టాద్రి ఎక్స్ ప్రెస్‌. ప్రేమ‌క‌థా చిత్రం సినిమా చూసి చాలా మంది బావుంద‌న్నారు. కానీ ఆ సినిమా క‌న్నా నాకు వెంక‌టాద్రి ఎక్స్ ప్రెస్ న‌చ్చింది. నేను డైర‌క్ట‌ర్ కావాల‌ని వ‌చ్చా. కృష్ణ‌వంశీగారి సిందూరం, శంక‌ర్‌గారి భార‌తీయుడు చూసి ఆ త‌ర‌హా సినిమాలు తెర‌కెక్కించాల‌ని ఇండ‌స్ట్రీకి వ‌చ్చా. కాక‌పోతే ఇప్పుడు క‌మెడియ‌న్ అనేది నాకు గుర్తింపు తెచ్చింది. హీరోగా మూడు సినిమాల‌కూ అది ఉప‌యోగ‌ప‌డింది. మంచి ఓపెనింగ్స్ వ‌స్తున్నాయి. ఇదంతా క‌మెడియ‌న్ అనే గుర్తింపు వ‌ల్లే. నా ఆలోచ‌నా విధానం వ‌ల్ల‌నే నేను కొన్ని ప‌ర్టిక్యుల‌ర్ క‌థ‌ల‌ను ఎంపిక చేసుకుంటున్నా. మా నాన్న కానిస్టేబుల్‌. ఆయ‌న 30 ఏళ్లు ప‌డ్డ క‌ష్టం చూసి నేను తొలి సినిమా చేశా. రెండో సినిమాలో రైతుల‌కు న్యాయం జ‌ర‌గాల‌నే కాన్సెప్ట్ ఉంటుంది. ఇందులో క్యాన్స‌ర్ రోగుల‌కు మంచి జ‌ర‌గాల‌నే మెసేజ్ ఉంటుంది. ఆలోచ‌న మంచిదైతే స‌రిపోదు.. ఆచ‌ర‌ణ కూడా స‌రైన మార్గంలో ఉండాలి. లేకుంటే దేవుడు శిక్షిస్తాడు అనే కాన్సెప్ట్ తో చెప్పాం. దేవుడికి, మ‌నిషికీ ఉన్న చిన్న ర్యాపోని మాకున్న లిమిటెడ్ బ‌డ్జెట్‌లో చెప్పాం.

నా మూడు సినిమాల్లో హీరోయిన్ల‌కు పెద్ద ప్రాధాన్యం లేదు. ఇందులో వైభ‌వీజోషి విలేజ్ ఓరియంటెడ్ గ‌ర్ల్ గా న‌టించింది. అబ్బాయి ల‌క్ష‌ణాలు ఎక్కువ‌గా ఉన్న అమ్మాయ‌న్న‌మాట‌. అలాంటి అమ్మాయిని నేను స్వామీజీ గెట‌ప్‌లో ఎలా మార్చాన‌న్న‌ది క‌థ‌. ఇందులో క‌థ‌కి లింకుగా మూడు గెట‌ప్పులు వ‌చ్చాయి. ఇందులో హైలైట్ ఏంటంటే… ఒక స్వామీజీకి నాకు జ‌రిగే చిన్న స‌న్నివేశం, కుక్క‌, పాము చేసిన పాత్ర‌లు కీల‌కం. బెలూన్ కేవ్స్ లో కొన్ని చేశాం. ఇప్ప‌టిదాకా ఏ సినిమాలోనూ బెలూన్ కేవుల్లో అంత లోప‌లికి వెళ్లి ఎవ‌రూ షూటింగ్ చేయ‌రు. బెలూన్ కేవుల్లో స‌బ్ కేవులు చాలా ఉంటాయి. వాటిలోకి ఎవ‌రూ వెళ్ల‌లేదు. మేం అక్క‌డికక్క‌డ అనుకుని, వెంట‌నే బాగా లోప‌లికి వెళ్లి థ్రిల్ ఫీల‌యి చేశాం. అక్క‌డ ఆక్సిజ‌న్ లెవల్స్ ఎక్కువ‌. నా నెక్ట్స్ ప్రాజెక్ట్స్ ఏవంటే… దెయ్యం ప‌ట్టింది 1, 2 అని రెండు క‌థ‌లున్నాయి. అవి చేయాల‌ని ఎప్ప‌టి నుంచో ఆశ ఉంది. క‌మెడియ‌న్‌ గానూ 2,3 అవ‌కాశాలున్నాయి. వాటిని కూడా స‌ద్వినియోగ‌ప‌ర‌చుకుంటా’ అంటూ ముగించారు.

LEAVE A REPLY

Please enter your comment!
Please enter your name here