క్లాసిక్ సినీ క్రియేషన్స్ పతాకంపై ప్రముఖ పారిశ్రామికవేత్త తల్లాడ వెంకన్న హీరోగా నటించిన చిత్రం ‘ఒక్కడే 1’. సుదిక్షా,సునీత,, మధువని కథానాయికలుగా నటించగా, శ్రీపాద రామచంద్రరావు దర్శకత్వం వహించారు. అన్ని కార్యక్రమాలు పూర్తి చేసుకున్న ఈ సినిమా తొలి కాపీ సిద్ధమైంది. ఈ సందర్భంగా చిత్ర హీరో వెంకన్న తిరుమల వెంకటేశ్వర స్వామినీ దర్శించుకున్నారు. అనంతరం స్వామి వారి ఆశీస్సులతో అక్టోబర్ 27 న సినిమాను రిలీజ్ చేస్తామని ప్రకటించారు.
ఈ సందర్భంగా
చిత్ర హీరో వెంకన్న మాట్లాడుతూ… మా “ఒక్కడే 1” సినిమా తొలి కాపీ సిద్ధమైంది. సినిమా పరిశ్రమ ఎందరో కొత్త వారిని అక్కున చేర్చుకుంది. ఆ కోవలోనే నేను హీరోగా నటించిన మా చిత్రం ప్రేక్షకులకు కావలసిన సర్వ హంగులతో రూపుదిద్దుకుంది.
నాకు పోలీస్ ఆఫీసర్ కావాలని చాలా బలమైన కోరిక ఉండేది. కానీ కొన్ని అనివార్య కారణాలవలన కాలేక పోయాను. ఇప్పుడు ఈ సినిమా ద్వారా ఆ కోరిక తీర్చుకుంటున్నా. సినిమాలో ఇంకా చాలా మంచి కంటెంట్, ట్విస్ట్లు ఉంటాయి. మన టాలీవుడ్ సీనియర్ హీరోలను ఆదర్శంగా తీసుకుని ముందడుగు వేశాను. దర్శకుడు శ్రీపాద రామచంద్రరావు గారు బాగా డీల్ చేశారు . ఈ సినిమాను అక్టోబర్ 27 తెలుగు రాష్ట్రాల్లో విడుదల చేస్తున్నాం. సినిమా చాలా బాగా వచ్చింది. యూనిట్ అందరం చాలా కాన్ఫిడెంట్గా ఉన్నాం. ప్రేక్షకులు మా చిత్రాన్ని ఆదరించి, ఆశీర్వదిస్తారని ఆశిస్తున్నాను.”అన్నారు.
ఈ చిత్రానికి ఎడిటర్: నందమూరి హరి`యన్.టి.ఆర్, సంగీతం: రామ్ తవ్వా, కొరియోగ్రఫీ: సాగర్ వేలూరు, లిరిక్స్: శ్రీనివాస్, ఫైట్స్: రాజ్కుమార్, కృష్ణంరాజు, శ్యాం, కెమెరా: డి. యాదగిరి, ఆర్.ఆర్. చిన్నా (చెన్నై), వి.ఎఫ్.ఎక్స్: చందు ఆది Ê టీమ్, పి.ఆర్.ఓ: బి. వీరబాబు, నిర్మాతలు తల్లాడ శ్రీలక్ష్మి, తల్లాడ సునీల్, మాటలు, స్క్రీన్ప్లే, దర్శకత్వం: శ్రీపాద రామచంద్రరావు.
