న్యూ ఏజ్ లవ్ స్టోరీస్ ఎప్పడూ ఫ్రెష్ గానే వుంటాయి. అందుకే కుర్రాకారు ఎప్పుడూ ఇలాంటి చిత్రాలను ఆదరిస్తుంటారు. దర్శకులు కూడా కొత్త హీరోలను ఇంట్రడ్యూస్ చేయడానికి ఇలాంటి ఫ్రెష్ రొమాంటిక్ లవ్ స్టోరీలను ఎంచుకుని వెండితెరమీద చూపించి సక్సెస్ అవుతున్నారు. తాజాగా శివ కందుకూరి హీరోగా శేష్ సింధూ రావ్ దర్శకత్వంలో వచ్చిన రొమాంటిక్ లవ్ ఎంటర్టైనర్ ‘చూసీ చూడంగానే’ చిత్రం కూడా ఇలాంటి జోనర్లో తెరకెక్కింది. ఇందులో వర్ష బొల్లమ్మ, మాళవికా సతీశన్ హీరోయిన్లుగా నటించగా యంగ్ మ్యూజిక్ సెన్సేషన్ గోపి సుందర్ ఈ చిత్రానికి సంగీతం అందించారు. రాజ్ కందుకూరి ఈ సినిమాని నిర్మించారు. ఈ చిత్రం ఈ రోజు విడుదల అయింది. మరి న్యూఏజ్ రొమాంటిక్ లవ్ స్టోరీ ఆడియన్స్ ను ఎలా ఆకట్టుకుందో చూద్దాం పదండి..!!!
కథ: సిద్ధూ (శివ) తన మదర్ (పవిత్రా లోకేష్) కారణంగా తనకు నచ్చినట్టు ఉండలేకపోతాడు. చదువు కూడా మదర్ చెప్పిందే చదువుతూ తానూ కోరుకున్నట్టు జీవితాన్ని ప్లాన్ చేసుకోలేకపోతాడు. అలా తనకు ఇష్టం లేకుండానే బి.టెక్ లో జాయిన్ అవుతాడు. ఆ తరువాత జరిగిన కొన్ని సంఘటనల అనంతరం కాలేజీలో ఐశ్వర్య (మాళవికా సతీశన్)తో ప్రేమలో పడతాడు. అలా నాలుగేళ్లు ప్రేమించుకున్నాక ఐశ్వర్య సిద్ధూకి బ్రేకప్ చెప్పి వెళ్లిపోతుంది. ఆ తరువాత మూడేళ్లు గడిచాక సిద్ధూ చివరికి వెడ్డింగ్ ఫోటోగ్రాఫర్ గా లైఫ్ ని లీడ్ చేస్తోన్న క్రమంలో అతని జీవితంలోకి శ్రుతి రావ్ (వర్ష బొల్లమ్మ) వస్తోంది. ఇద్దరూ ప్రేమలో పడతారు. కానీ ఒకరికి ఒక్కరూ చెప్పుకునే ప్రొసెస్ లో సిద్ధూకి శ్రుతి గురించి ఒక నిజం తెలుస్తోంది. ఆమె కాలేజీ నుండే తనని ప్రేమిస్తోందని తెలుసుకుంటాడు. తనని ప్రేమిస్తోన్నా శ్రుతి ఆ విషయం సిద్ధూకి ఎందుకు చెప్పదు ? శ్రుతికి ఐశ్వర్యకి మధ్య రిలేషన్ ఏమిటి ? వారి మధ్య సిద్ధూకి సంబంధించి జరిగిన గొడవ ఏమిటి ?చివరకి సిద్ధూ – శ్రుతి ఎలా ఒక్కటి అవుతారు ? ఈ మధ్యలో వారిద్దరి ప్రేమ కథలో చోటు చేసుకున్న అంశాలు ఏమిటి ? లాంటి విషయాలు తెలియాలంటే ఈ సినిమా చూడాల్సిందే.
కథ.. కథనం విశ్లేషణ: ‘చూసీ చూడంగానే’ ఒక అమ్మాయి ఒక అబ్బాయిని చాల స్వచ్ఛమైన హృదయంతో ఫ్యూర్ గా ప్రేమిస్తే.. ఆ అబ్బాయి మాత్రం వేరే అమ్మాయి వెంట తిరుగుతూ ఉంటే.. చివరికి వీరిద్దరూ ఒకర్ని ఒకరు వదిలి ఉండలేని సిచ్యుయేషన్ కి వస్తే.. ఇంతకీ వీళ్లు ఎలా వచ్చారు అనే కోణంలో సాగే ఈ చిత్రం మెయిన్ కాన్సెప్ట్… దాంతో పాటు ఎమోషనల్ సాగే లవ్ ట్రాక్.. దానికి తోడు డీసెంట్ కామెడీ తోడు కావడంతో ఈ సినిమా అన్ని వర్గాల ప్రేక్షకుల్ని అలరిస్తుంది.
ఓ డెబ్యూ హీరోకు ఇలాంటి ఎమోషనల్ లవ్ స్టోరీ రాసుకోవడం… దాన్ని ఇంట్రెస్టింగ్ స్క్రీన్ ప్లేతో ఆద్యంతం నడిపించడంలో దర్శకుడు సక్సెస్ అయ్యారు. ఈ సినిమా పేరులోనే ‘చూసీ చూడంగానే’ ఉన్నట్లు.. ఇందులో ప్రేమ కథ కూడా ’చూసీ చూడంగానే’లానే పుట్టిన ఎమోషన్ అండ్ లవ్ ఫీలింగ్ చుట్టే తిరిగే ఇంట్రెస్టింగ్ లవ్ స్టోరీ. ఇందులోలవ్ సీన్స్ తో పాటు కొన్ని చోట్ల డీసెంట్ కామెడీని పెట్టి… ప్రేక్షకుల్ని ఎంజాయ్ చేసేలా చేశారు. ఇందులో హీరోగా నటించిన శివ కందుకూరి తన పాత్రకు తగ్గట్లు.. ప్రేమ సన్నివేశాల్లో బాగా నటించాడు. అలాగే కొన్ని ఎమోషనల్ సన్నివేశాల్లో బాధతో లోలోపలే నలిగిపోతున్న ఎక్స్ ప్రెషన్స్ తో పాటు తన రియలిస్టిక్ యాక్టింగ్ తో ఆకట్టుకుంటూ సినిమాకే హైలెట్ గా నిలిచాడు. ముఖ్యంగా క్లైమాక్స్ తో పాటు హీరోయిన్ తో సాగే లవ్ ట్రాక్ లో, అలాగే తనకు తన తల్లి పాత్రకి మధ్య వచ్చే ఎమోషనల్ సన్నివేశంలో కూడా ఎంతో అనుభవం ఉన్న నటుడిలా శివ నటించాడు. ఇక హీరోయిన్ గా నటించిన వర్ష బొల్లమ్మ లవ్ సీన్స్ లో అవలీలగా నటించడంతో పాటు అందంగా కనిపిస్తూ ఆకట్టుకుంది. అలాగే బోల్డ్ క్యారెక్టర్ లో కనిపించిన మాళవికా సతీశన్ నటన కూడా బాగుంది. హీరోకి ఫ్రెండ్ గా నటించిన నటుడు కూడా తన కామెడీ టైమింగ్ తో తానూ కనిపించిన ప్రతి సీన్ లోనూ ఆయన అలరిస్తారు. తండ్రి పాత్రలో కనిపించిన అనీష్, మరియు తల్లి పాత్రలో నటించిన పవిత్రా లోకేష్ తమ పాత్రల్లో ఒదిగిపోయారు.
దర్శకురాలు శేష్ సింధూ రావ్ రాసుకున్న లవ్ సీన్స్ తో పాటు కొన్ని కామెడీ డైలాగ్స్ కూడా బాగున్నాయి. అలాగే మెయిన్ గా.. హీరో -హీరోయిన్ క్యారెక్టర్ల చుట్టూ అల్లుకున్న డ్రామా కూడా బాగుంది. ఇక సినిమాలో కనిపించిన మిగిలిన నటీనటులు కూడా తమ పాత్ర పరిధి మేరకు బాగా నటించారు.
గోపిసుందర్ అందించిన సంగీతం పర్వాలేదు. సినిమాటోగ్రఫీ వర్క్ బాగుంది. సినిమాలోని చాలా సన్నివేశాలను కెమెరామెన్ ఎంతో రియలిస్టిక్ గా, మంచి విజువల్స్ తో చాలా బ్యూటిఫుల్ గా చూపించారు. అయితే ఎడిటింగ్ ఇంకాస్త క్రిస్ప్ గా వుంటే బాగుండు. నిర్మాత రాజ్ కందుకూరి ఎక్కడా కాంప్రమైజ్ కాకుండా ఈ చిత్రాన్ని నిర్మించారు. నిర్మాణ విలువులు చాలా బాగున్నాయి. ఇక దర్శకురాలు శేష్ సింధూ లవ్ అండ్ ఎమోషనల్ సీన్స్ ని తెరకెక్కించడంలో ప్రేక్షకుల్ని ఆకట్టకున్నారు. చివరగా.. ఇది ఓ ఫ్రెష్ న్యూఏజ్ రొమాంటిక్ ఎమోషనల్ లవ్ స్టోరీ. గో అండ్ వాచ్..!!!
రేటింగ్: 3.25
