‘లవ్ ఓటీపీ’ చిత్రం థియేటర్లో అందరినీ అలరిస్తుంది.. ట్రైలర్ లాంఛ్ ఈవెంట్‌లో రాజీవ్ కనకాల

శ్రీమతి. పుష్ప మణిరెడ్డి సమర్పణలో భావప్రీత ప్రొడక్షన్స్ బ్యానర్ మీద అనీష్ హీరోగా స్వీయ దర్శకత్వంలో రానున్న ‘లవ్ ఓటీపీ’ చిత్రాన్ని విజయ్ ఎం రెడ్డి నిర్మించారు. ఈ చిత్రంలో రాజీవ్ కనకాల ప్రధాన పాత్రలో నటించారు. జాన్విక, నాట్య రంగ వంటి వారు కీలక పాత్రల్ని పోషించారు. ఈ సినిమాను నవంబర్ 14న రిలీజ్ చేయబోతోన్నారు. ఈ మేరకు బుధవారం నాడు ‘లవ్ ఓటీపీ’కి సంబంధించిన ట్రైలర్‌ను రిలీజ్ చేశారు. ఈ క్రమంలో నిర్వహించిన ఈవెంట్‌లో..

*రాజీవ్ కనకాల మాట్లాడుతూ* .. ‘‘లవ్ ఓటీపీ’ చిత్రాన్ని తెలుగు, కన్నడ భాషల్లో చిత్రీకరించాం. ఈ ప్రయాణంలో నన్ను అనీష్, అతని టీం మెంబర్స్ ఎంతో సపోర్ట్ చేశారు. ఇందులో నేను తండ్రి పాత్రను పోషించాను. కొడుకుని కూతురిలా చూసుకునే ఓ డిఫరెంట్ ఫాదర్ కారెక్టర్‌ను చేశాను. థియేటర్లో అందరూ ఎంజాయ్ చేసేలా, పగలబడి నవ్వుకునేలా ఈ చిత్రం ఉంటుంది. భావప్రీత బ్యానర్ మీద విజయ్ గారు ఈ మూవీని భారీ ఎత్తున నిర్మించారు. అనీష్ గారు తెలుగు ఇండస్ట్రీలోకి అడుగు పెట్టారు. జాన్వికకి తెలుగులో మంచి ఫ్యూచర్ ఉంటుంది. ఆనంద్ గారి మ్యూజిక్ చాలా బాగుంటుంది. నా సినిమాలకు, రోషన్ చిత్రాలకు మ్యూజిక్ చేసే అవకాశాన్ని ఆనంద్‌కు ఇస్తానని మాటిస్తున్నాను. హర్ష గారి విజువల్స్ అద్భుతంగా వచ్చాయి. ప్రవీణ్ గారు ఈ మూవీని చాలా బాగా మార్కెటింగ్ చేస్తున్నారు. నాట్య రంగ అద్భుతమైన నటుడు. బాబా భాస్కర్‌లో చాలా ఎనర్జీ ఉంటుంది. అనీష్ ఈ మూవీని ఇష్టపడి, కష్టపడి చేశాడు. రాజమౌళిలా అన్ని క్రాఫ్ట్‌ల మీద పట్టున్న అనీష్‌కు మంచి పేరు రావాలి. నవంబర్ 14న ఈ చిత్రం రాబోతోంది. అందరూ తప్పకుండా చూసి సక్సెస్ చేయాలని కోరుకుంటున్నాను’ అని అన్నారు.

*హీరో, దర్శకుడు అనీష్ మాట్లాడుతూ* .. ‘హీరో అవ్వాలని చిన్నప్పటి నుంచీ కలలు కంటుండేవాడిని. అదే విషయాన్ని మా నాన్న గారికి చెప్పాను. ఆయన సాయంతో ఎన్నెన్నో ప్రయత్నాలు చేశాను. వైజాగ్ మూర్తి వద్ద యాక్టింగ్ నేర్చుకున్నాను. అల్లు అర్జున్‌తో కలిసి షెడ్డులో డ్యాన్స్ ప్రాక్టీస్ చేశాను. ‘నెలవంక’ మూవీ ఓపెనింగ్స్‌కి బన్నీ కూడా గెస్టుగా వచ్చారు. అయితే ప్రొడక్షన్‌లోకి వద్దు అని బన్నీ సలహా ఇచ్చినా నేను వినలేదు. ఆ మూవీ తరువాత నేను కన్నడకు వెళ్లిపోయాను. గౌతమ్ తిన్ననూరి కూడా మంచి స్నేహితుడు. ‘మళ్లీ రావా’ కూడా మిస్ అయింది. ఎప్పటి నుంచో మళ్లీ తెలుగులోకి రావాలని చాలా ప్రయత్నాలు చేసి విఫలం అయ్యాను. మళ్లీ ఇప్పుడు ఇలా ఇన్నేళ్లకు టెక్నీషియన్‌గా, దర్శకుడిగా, హీరోగా ఆడియెన్స్ ముందుకు వచ్చాను. ఇందులో మంచి కంటెంట్ ఉంటుంది. ఈ రోజు అదే మా ఈవెంట్‌కు గెస్ట్. మేం కంటెంట్‌ను నమ్మి ఈ మూవీని చేశాం. అందుకే పది రోజుల ముందే మీడియాకు ఈ మూవీని చూపించాలని అనుకున్నాం. విజయ్ సహకారాన్ని నేను ఎప్పటికీ మర్చిపోలేను. రాజీవ్ కనకాల గారు ఈ మూవీని భుజానికెత్తుకుని ముందుకు తీసుకు వెళ్తున్నారు. నవంబర్ 14న ఈ చిత్రం రాబోతోంది. అందరినీ ఆకట్టుకునేలా ఈ చిత్రం ఉంటుంది. అందరూ చూసి సపోర్ట్ చేస్తారని ఆశిస్తున్నాను’ అని అన్నారు.

*నిర్మాత విజయ్ ఎం రెడ్డి మాట్లాడుతూ* .. ‘అనీష్‌తో నాకు పదహారేళ్ల నుంచి బంధం ఉంది. సినిమా చేయాలని హైదరాబాద్‌కు వచ్చాం. ఇప్పుడు నేను నిర్మాతగా అనీష్‌ని హీరోగా, దర్శకుడిగా పరిచయం చేస్తున్నాను. అనీష్ ఎప్పుడూ కష్టపడుతూనే ఉంటాడు. కష్టపడుతూ ఉంటే ఫలితం దాటంతట అదే వస్తుంది. ఈ చిత్రంలో ప్రతీ ఒక్కరూ కష్టపడి పని చేశారు. ట్రైలర్ అందరికీ నచ్చిందని ఆశిస్తున్నాను. ఈ సినిమా కూడా చాలా బాగా వచ్చింది. తెలుగు, కన్నడ భాషల్లో ఈ మూవీని షూట్ చేశాం. రాజీవ్ కనకాల గారు మాకు ఎంతో సపోర్ట్ చేశారు. నవంబర్ 14న మా చిత్రం రాబోతోంది. అందరూ చూసి సపోర్ట్ చేయండి’ అని అన్నారు.

*హీరోయిన్ జాన్విక మాట్లాడుతూ* .. ‘తెలుగులో ఇదే నాకు మొదటి చిత్రం. తెలుగు ఆడియెన్స్ నన్ను సపోర్ట్ చేస్తారని ఆశిస్తున్నాను. నాకు ఇంత మంచి అవకాశం ఇచ్చిన నిర్మాత విజయ్ గారికి, హీరో, దర్శకుడు అనీష్ గారికి థాంక్స్. షూటింగ్ అంతా సరదాగా చేశాం. రాజీవ్ కనకాల గారితో పని చేయడం ఆనందంగా ఉంది. మా సినిమా నవంబర్ 14న రాబోతోంది. అందరూ చూసి సపోర్ట్ చేయండి’ అని అన్నారు.

*బాబా భాస్కర్ మాట్లాడుతూ* .. ‘‘లవ్ ఓటీపీ’లో నన్ను నమ్మి అవకాశం ఇచ్చిన అనీష్ గారికి థాంక్స్. నిర్మాత గారు మాకు ఎంతో సపోర్ట్ చేశారు. ఇందులో లవ్, మాస్ సాంగ్స్ ఇలా అన్నీ బాగుంటాయి. ఈ చిత్రం చాలా బాగా వచ్చింది. నవంబర్ 14న ఈ మూవీ రాబోతోంది. అందరూ చూసి సపోర్ట్ చేయండి’ అని అన్నారు.

*నటుడు నాట్య రంగ మాట్లాడుతూ* .. ‘నాకు ‘లవ్ ఓటీటీ’ తెలుగులో మొదటి చిత్రం. నాకు అవకాశం ఇచ్చిన విజయ్, అనీష్ గారికి థాంక్స్. రాజీవ్ కనకాల వంటి సీనియర్లతో నటించడం ఆనందంగా ఉంది. ఈ మూవీలో మంచి మ్యూజిక్, విజువల్స్ ఉంటాయి. నవంబర్ 14న మేం ఆడియెన్స్ ముందుకు రాబోతోన్నామ’ని అన్నారు.

*మార్కెటింగ్ ఎగ్జిక్యూటివ్ ప్రవీణ్ మాట్లాడుతూ* .. ‘‘లవ్ ఓటీపీ’ తెలుగులో వస్తుండటం ఆనందంగా ఉంది. విజయ్ గారు నాకు మంచి మిత్రులు. నేను ఆల్రెడీ ఈ మూవీని చూశాం. అనీష్ ఈ సినిమాని అద్భుతంగా తీశారు. మా చిత్రం అందరినీ ఆకట్టుకుంటుందనే నమ్మకం ఉంది’ అని అన్నారు.

*లిరిక్ రైటర్ దినేష్ మాట్లాడుతూ* .. ‘అనీష్ గారు నాకు మంచి సిట్యువేషన్స్ ఇచ్చారు. ఇందులో అన్ని పాటలు బాగుంటాయి. సినిమాను అందరూ ఆదరిస్తారని కోరుకుంటున్నాను’ అని అన్నారు.

*కెమెరామెన్ హర్ష మాట్లాడుతూ* .. ‘‘లవ్ ఓటీపీ’ అనేది నాకు మొదటి చిత్రం. ఇంత మంచి చిత్రంలో నాకు అవకాశం ఇచ్చిన టీంకు థాంక్స్’ అని అన్నారు.

*మ్యూజిక్ డైరెక్టర్ ఆనంద్ మాట్లాడుతూ* .. ‘నాకు ఈ అవకాశం ఇచ్చిన నిర్మాత విజయ్, అనీష్‌కు థాంక్స్. ఈ మూవీలోని అన్ని పాటలు బాగుంటాయి. ఈ చిత్రంలో అన్ని రకాల అంశాలుంటాయి. ఈ సినిమా పెద్ద హిట్ అవుతుందని ఆశిస్తున్నాను’ అని అన్నారు.

నటీనటులు : అనిష్ , రాజీవ్ కనకాల , స్వరూపిణి , జాన్విక కలకేరి , ప్రమోదిని , నాట్య రంగ , చేతన్ గంధర్వ , రవి భట్ , తులసి , అన్నపూర్ణ తదితరులు

సాంకేతిక బృందం
బ్యానర్ : భావప్రీత ప్రొడక్షన్స్
నిర్మాత : విజయ్ ఎం రెడ్డి
దర్శకుడు : అనీష్
సంగీత దర్శకుడు : ఆనంద్ రాజవిక్రమ్
కెమెరామెన్ : హర్ష వర్దన్
ఎడిటర్ : శరత్
పీఆర్వో : శివ మల్లాల