బ్యూటిఫుల్ విజువల్స్, మంచి మ్యూజిక్, ఎంటర్ టైన్ మెంట్ తో “K-ర్యాంప్” అన్ని వర్గాల ప్రేక్షకుల్ని ఆకట్టుకుంటుంది – ప్రొడ్యూసర్స్ రాజేశ్ దండ, శివ బొమ్మకు
సక్సెస్ ఫుల్ హీరో కిరణ్ అబ్బవరం నటిస్తున్న కొత్త సినిమా “K-ర్యాంప్”. ఈ సినిమాను ప్రముఖ నిర్మాణ సంస్థ హాస్య మూవీస్, రుద్రాంశ్ సెల్యులాయిడ్ బ్యానర్‌ల మీద రైజింగ్ ప్రొడ్యూసర్ రాజేశ్ దండ, శివ బొమ్మకు సంయుక్తంగా నిర్మిస్తున్నారు. “K-ర్యాంప్” సినిమాకు జైన్స్ నాని దర్శకత్వం వహిస్తున్నారు. ఈ మూవీ దీపావళి పండుగ సందర్భంగా ఈ నెల 18న గ్రాండ్ థియేట్రికల్ రిలీజ్ కు రాబోతోంది. ఈ రోజు జరిగిన ఇంటర్వ్యూలో ఈ సినిమాలోని హైలైట్స్ తెలిపారు ప్రొడ్యూసర్స్ రాజేశ్ దండ, శివ బొమ్మకు.
ప్రొడ్యూసర్ రాజేశ్ దండ మాట్లాడుతూ…
– కిరణ్ అబ్బవరం గారితో నేను ఒక సినిమా చేయాలి. రూల్స్ రంజన్ తర్వాత మా కాంబోలో ఒక సినిమా చేయాలని నిర్ణయించాం. దర్శకుడు జైన్స్ నాని కిరణ్ గారితో ఏడాదిన్నరగా ట్రావెల్ చేస్తున్నారు. ఆయన చెప్పిన కథ నచ్చి నా దగ్గరకు పంపించారు. కథ వినగానే నాకూ నచ్చింది. ఇందులో హీరో పాత్ర పేరు కుమార్. ఆ క్యారెక్టరైజేషన్ ఆకట్టుకుంది. ముందుగా ఈ చిత్రానికి కుమార్ ర్యాంప్ అనే టైటిల్ అనుకున్నాం. అయితే అది కాస్త లెంగ్తీగా ఉందని “K-ర్యాంప్” అని పెట్టాం. “K-ర్యాంప్” అనే టైటిల్ కొందరికి బూతులా అనిపించవచ్చు. అది వారి దృష్టి కోణం. కుమార్ అనే పేరున్న హీరో క్యారెక్టరైజేషన్ నేపథ్యంగా “K-ర్యాంప్” అని పెట్టాం. కిరణ్ గారి గత సినిమా క సినిమా కూడా K అనే అక్షరంతో ఉంది కాబట్టి అది కూడా సెంటిమెంట్ గా భావించాం.
– నేను బాలకృష్ణ గారి అభిమానిని. “K-ర్యాంప్” ట్రైలర్ రిలీజ్ ఈవెంట్ కు మూడు వేల మందికి పైగా రావడం సర్ ప్రైజ్ అయ్యాను. ఆ హై లో బాలకృష్ణ గారిలా తొడగట్టి మా మూవీ విజయం సాధిస్తుందని చెప్పాను. నేను సాధారణంగా ఎక్కువగా మాట్లాడను. కానీ మన సినిమా గురించి మనం చెప్పుకోకుంటే ఎలా ఉంటుందని మాట్లాడుతున్నా.
– మా సంస్థలో అతి తక్కువ టైమ్ లో రిలీజ్ అవుతున్న చిత్రమిదే. సినిమా ప్రారంభించిన ఆరో నెలలో రిలీజ్ కు తీసుకొస్తున్నాం. ఈ చిత్ర కథపై దర్శకుడు, హీరో ముందే ప్రిపేర్ అయి ఉండటం, అనవసర సన్నివేశాలను స్క్రిప్ట్ దశలోనే ఎడిట్ చేసుకోవడంతో మేకింగ్ టైమ్ చాలా తగ్గింది. అనుకున్నది అనుకున్నట్లు త్వరగా చేయగలిగాం. కథానుసారమే కేరళ బ్యాక్ డ్రాప్ ఉంది. కేరళలో షూటింగ్ చేయడం వల్ల సినిమాకు కొత్త లుక్ వచ్చింది. విజువల్ గా బ్యూటీ యాడ్ అయ్యింది. కథలో హీరోయిన్ కేరళ అమ్మాయి. అక్కడ కాలేజ్ లో చేసిన సీన్స్, ఓనమ్ సాంగ్ విజువల్ గా కలర్ ఫుల్ గా వచ్చాయి. థియేటర్స్ లో ఆ విజువల్ బ్యూటీని మీరంతా ఎంజాయ్ చేస్తారు.
– మా సంస్థకు ప్రధాన బలం ఫ్యామిలీ ఆడియెన్స్. మా సంస్థలో వచ్చిన సామజవరగమన, ఊరు పేరు భైరవకోన, ఇట్లు మారేడుమిల్లి ప్రజానీకం వంటి చిత్రాలన్నీ ఫ్యామిలీ ఆడియెన్స్ ఆదరించారు. “K-ర్యాంప్” చూస్తున్నప్పుడు కూడా ఫ్యామిలీ ఆడియెన్స్ ఎక్కడా ఇబ్బంది పడరు. మీరు మా సినిమా టీజర్ కు, ట్రైలర్ కు తేడా చూసే ఉంటారు. కావాలనే కొన్ని తగ్గించాం. హీరో క్యారెక్టరైజేషన్ కోసం డైరెక్టర్ కొన్ని డైలాగ్స్ సహజంగా రాసుకున్నారు. మనం ఫ్రెండ్స్ తో చిల్ అయ్యేప్పుడు ఎలా మాట్లాడుకుంటామో అలా డైలాగ్స్ ఉంటాయి. సెన్సార్ నుంచి ఎ సర్టిఫికెట్ వచ్చింది. ప్రేక్షకులు ఈ క్యారెక్టర్స్ ను ఫాలో అవుతారేమో అనే సందేహంతో ఎ సర్టిఫికెట్ ఇచ్చారు. ఎ సర్టిఫికెట్ ఉన్నా, మాకు ఇంకా చాలా డైలాగ్స్ పెట్టుకునే అవకాశం ఉన్నా, ఫ్యామిలీ ఆడియెన్స్ ఇబ్బంది పడవద్దనే వాటిని చేర్చలేదు.
– కిరణ్ అబ్బవరం గారితో చాలా కంఫర్ట్ గా వర్క్ చేశాం. ఆయన హీరో, మేము ప్రొడ్యూసర్ అనే భావన కలగలేదు. సినిమా చిత్రీకరణ సమయంలో కిరణ్ గారు ఎంతో సహకరించారు. ఆయన ఇంకా ముందే మాకు పరిచయం అయిఉంటే బాగుండేది అనిపించింది. ఇకపై కిరణ్ గారితో వరుసగా సినిమాలు చేయాలనిపిస్తోంది. మా సంస్థతో అల్లరి నరేష్ గారికి, సందీప్ కిషన్ గారికి ఎలాంటి మంచి అనుబంధం ఉందో కిరణ్ గారితో కూడా అలాంటి రిలేషన్ ఏర్పడింది.
– దీపావళికి బాక్సాఫీస్ పోటీ ఉంది. అన్ని సినిమాలూ ఆదరణ పొందాలని కోరుకుంటున్నా. మేము నాలుగు నెలల కిందటే దీపావళి రిలీజ్ అని అనౌన్స్ చేశాం. గతేడాది దీపావళికి కిరణ్ గారికి క సినిమాతో హిట్ దక్కింది. అంతకు మించిన విజయాన్ని మా “K-ర్యాంప్” సినిమా అందిస్తుందని ఆశిస్తున్నాం. అందరూ ఈక్వల్ ఇమేజ్ ఉన్న హీరోలు కాబట్టే దీపావళికి ఇంత పోటీ ఉంది. అదే పవన్ కల్యాణ్ గారి సినిమా రిలీజ్ అవుతుందంటే మేము వెనక్కి తగ్గుతాం కదా. ప్రొడ్యూసర్స్ అంతా స్నేహితులమే. మా మధ్య విబేధాలు లేవు.
– చేతన్ భరద్వాజ్ ది బెస్ట్ మ్యూజిక్ ఇచ్చారు. ఆయన ఇచ్చిన బీజీఎం థియేటర్స్ లో బ్లాస్ట్ అవుతుంది. మా బ్యానర్ లో వచ్చిన చిత్రాల్లో ఇంటర్వెల్ సర్ ప్రైజ్ చేస్తుంది. అలాగే “K-ర్యాంప్” లోనూ ఇంటర్వెల్ ఆసక్తి కలిగిస్తుంది. హీరో క్యారెక్టరైజేషన్ తో పాటు, నరేష్, వెన్నెల కిషోర్ క్యారెక్టర్స్ ఆకట్టుకుంటాయి. మేము ఒక మూవీ చేస్తే క్వాలిటీలో కాంప్రమైజ్ కాకుండా చేస్తాం. కావాల్సిన ఆర్టిస్టులను వెయిట్ చేసైనా తీసుకుంటాం. అలాగే కామ్నా జఠ్మలానీ, విమలారామన్ గారిని తీసుకున్నాం. మా పాప కూడా ఈ చిత్రంలో ఓ రోల్ చేసింది. ఇప్పటిదాకా మా సంస్థలో చేసిన ప్రతి సినిమాకు అన్ని విధాలా మంచి బిజినెస్ జరిగింది. “K-ర్యాంప్” ట్రేడ్ నుంచి అలాంటి రెస్పాన్స్ వచ్చింది.
– శివ బొమ్మకు నా స్నేహితుడు. ఈ చిత్రంతో నాతో పాటు ప్రొడక్షన్ లో భాగమయ్యారు. నా మీద నమ్మకంతో కథ కూడా వినకుండా పార్టనర్ గా చేసేందుకు ముందుకొచ్చారు. మా కాంబినేషన్ లో ఇకపై మరిన్ని మూవీస్ చేయబోతున్నాం. నా ఫేవరేట్ హీరో బాలకృష్ణ గారితో సినిమా చేయాలనేది నా కోరిక. మంచి కథ కుదిరితే ఆయనను అప్రోచ్ అవుతాం. మా సంస్థలో సామజవరగమన 2 చేస్తాం. అదే టీమ్ కాంబినేషన్ లో సీక్వెల్ మూవీ ఉంటుంది. ప్రస్తుతం హీరోయిన్ సంయుక్త గారితో ఫీమేల్ ఓరియెంటెడ్ మూవీ జరుగుతోంది. ఈ దీపావళికి ఆ సినిమా ఫస్ట్ లుక్, టైటిల్ రిలీజ్ చేస్తాం. నెక్ట్స్ ఇయర్ రిలీజ్ ఉంటుంది. అన్నపూర్ణ స్డూడియోస్ తో కలిసి అల్లరి నరేష్ గారితో ఓ సినిమా నిర్మిస్తున్నాం. ఇది కంప్లీట్ ఎంటర్ టైనర్ గా ఉంటుంది.
ప్రొడ్యూసర్ శివ బొమ్మకు మాట్లాడుతూ…
– దీపావళి పండక్కి మీ అందరి ముందుకు “K-ర్యాంప్” సినిమాతో వస్తుండటం సంతోషంగా ఉంది. ఈ కథ విన్నప్పుడు చాలా ఎంటర్ టైనింగ్ గా అనిపించింది. ఈ కథను ఎంతో మెచ్యూర్డ్ గా తెరకెక్కించారు మా డైరెక్టర్ నాని. ప్రొడ్యూసర్ రాజేశ్ గారితో కలిసి కంఫర్ట్ గా ఈ మూవీకి ప్రొడక్షన్ చేశాం. కుమార్ పాత్రలో హీరో కిరణ్ అబ్బవరం ఎనర్జిటిక్ గా పర్ ఫార్మ్ చేశారు. ఆయనను ఈ సినిమాలో కొత్తగా చూస్తారు. సినిమా కంప్లీట్ గా ఎంటర్ టైన్ చేస్తుంది. ప్రొడక్షన్ టైమ్ లోనే ఈ సినిమా తప్పకుండా సక్సెస్ అవుతుందనే నమ్మకం కలిగింది. మ్యూజిక్, ఎడిటింగ్, డీవోపీ..ఇలా మా టీమ్ లోని వాళ్లంతా సినిమాను మరో స్థాయికి తీసుకెళ్లారు. హీరోయిన్ క్యారెక్టర్ సర్ ప్రైజ్ చేస్తుంది. నరేష్ గారు, వెన్నెల కిషోర్ పాత్రలను ప్రేక్షకులు గుర్తుపెట్టుకుంటారు. “K-ర్యాంప్” సినిమాను అన్ని వర్గాల ప్రేక్షకులు ఆదరించాలని కోరుకుంటున్నాం.
