ఈ వేడుకకు ముఖ్య అతిథిగా హాజరైన డెమొక్రాటిక్ సోషలిస్ట్ రిపబ్లిక్ ఆఫ్ శ్రీలంక మాజీ అధ్యక్షుడు గౌరవనీయులైన శ్రీ. మైత్రిపాల సిరిసేన డాక్టర్ కలశ నాయుడిని ఆసియా ఐకాన్ 2024గా సత్కరించారు.*
కలశ ఫౌండేష‌న్ ద్వారా ప‌లు సామాజిక సేవా కార్య‌క్ర‌మాల‌ను నిర్వ‌హిస్తూ అతిపిన్న వ‌య‌స్కు సామాజిక సేవకురాలుగా అంత‌ర్జాతీయ ఖ్యాతి గ‌డించిన క‌ల‌శ‌నాయుడును మ‌రో పుర‌స్కారం వ‌రించింది. సామాజిక సేవా రంగాల్లో ఆమె చేసిన అత్యుత్త‌మ సేవ‌ల‌కు గాను ఆసియా ఐకాన్ అవార్డు 2024 ద‌క్కింది. శ్రీలంక రాజ‌ధాని కొలంబోలో ఈ నెల 26, 27 తేదీల్లో రెండు రోజుల పాటు జ‌రిగిన ఆసియా ఐకాన్ 2024 అవార్డుల ప్ర‌దాన కార్యక్రమంలో సోష‌ల్ స‌ర్వీసెస్ కేట‌గిరీలో డా. క‌ల‌శ‌నాయుడు ఆసియా ఐకాన్ 2024 అవార్డు తీసుకున్నారు.
కొలంబో గ‌వ‌ర్న‌ర్ సెంథిల్ తoగవాన్ చేతుల మీదగా కలశ నాయుడు ఆసియా ఐకాన్ అవార్డు తీసుకున్నారు. అంతేకాదు సోష‌ల్ స‌ర్వీసెస్ కేట‌గిరిలో అవార్డు అందుకున్న అతి చిన్న వ‌య‌స్కురాలిగా కూడా క‌ల‌శ‌నాయుడు రికార్డు నెల‌కొల్పారు. ఆసియా ఖండంలోనే వివిధ రంగాల్లో అత్యున్న‌త ప్ర‌తిభ క‌న‌బ‌రిచిన ప‌లువురు వ్య‌క్తులు సైతం అదే వేదిక‌పై ఆసియా ఐకాన్ 2024 అవార్డు అందుకున్నారు. ఈ కార్యక్రమంలో శ్రీలంక మంత్రులు, వివిధ రంగాల కు చెందిన ప్రముఖులు పాల్గొన్నారు.
కలశ ఫౌండేష‌న్ ద్వారా డా. క‌ల‌శ‌నాయుడు ప‌లు సామాజిక సేవా కార్య‌క్ర‌మాల‌ను నిర్వ‌హిస్తున్నారు. అంత‌ర్జాతీయ స్థాయిలో విద్య, వైద్యం, ఆరోగ్య రంగాల్లో సేవ‌లందిస్తున్నారు. అంతేకాదు ప్ర‌తిభ ఉన్నా ఆర్థిక స్థోమ‌త లేక చ‌దువుకు దూర‌మవుతున్న విద్యార్ధుల కోసం స్టూడెంట్‌ స్కాల‌ర్‌షిప్స్ ను అందిస్తూ త‌న వంతు సాయం అందిస్తున్నారు. ఐదేళ్ల వ‌య‌సులోనే అతి చిన్న వ‌య‌సు సామాజిక సేవకురాలుగా ఖ్యాతి తెచ్చుకున్న డా. కలశ నాయుడు భ‌విష్య‌త్‌లో కూడా ఆ స్ఫూర్తిని కొన‌సాగిస్తూ సామాజిక సేవా రంగంలో అత్యున్న‌త శిఖ‌రాల‌కు చేరాల‌ని ఆశిద్దాం.
