న్యూ ఏజ్ లవ్ స్టోరీ లు నేటి తరానికి బాగా కనెక్ట్ అవుతాయి. అందుకే సంతోషం డైరెక్టర్ దశరథ్ ఓ హృద్యమైన లవ్ స్టోరీని రాసి… దర్శకుడు డీవై చౌదరితో సినిమాని ప్రేక్షకుల ముందుకు తెచ్చారు.ఈ సినిమాని మన ఎంటర్టైన్మెంట్, శ్రీ చక్ర ఫిల్మ్స్ పతాకాలపై నిర్మాతలు డీవై చౌదరి, దశరథ్ సంయుక్తంగా నిర్మించారు. ఈ చిత్రం ఈరోజే విడుదల అయింది. ఇందులో రోహిత్ బెహల్, అపర్ణ జనార్ధనన్, బెనర్జీ, ప్రదీప్, కాదంబరి కిరణ్,మల్లిక్, దశరథ్ తదితరులు ముఖ్య పాత్రల్లో నటించారు. ఈ సినిమా ఈరోజే విడుదల అయింది. ఎలా ఉందో చూద్దాం పదండి.
కథ: రామ్ (రోహిత్ బెహల్), నార్వేలో శ్రీనివాస హోటల్స్ అనే బిజినెస్ చైన్ నడుపుతూ ఉంటాడు. జీవితంలో అనేక ఎదురుదెబ్బలు తిని కమర్షియల్ గా మారిపోయిన రామ్ టాక్స్ ఎగ్గొట్టడం కోసం తన దగ్గర ఎలాంటి జీతం తీసుకోకుండా పని చేసేందుకు ఒక వైఫ్ కం ఎంప్లాయ్ కోసం పెళ్లి చూపులు వేట మొదలు పెడతాడు. పార్టనర్ ను చేసుకుంటాను అని చెబుతూ తన బిజినెస్ చైన్ కి సిఈఓగా ఉన్న పీసీ(దశరథ్)ని తనకు తగిన అమ్మాయిని వెతకమని చెబుతాడు. ఈ క్రమంలో ఐదుగురిని సెలెక్ట్ చేసుకోగా వారిలో అతని చిన్ననాటి స్నేహితురాలు దివ్య (అపర్ణ జనార్ధనన్) ఎదురవుతుంది. అయితే ఆమె తన చిన్నప్పటి ఫ్రెండ్ అని తెలియక.. రామ్ ఆమెను బిజినెస్ పరంగా వాడుకోవాలని అనుకుంటాడు. చిన్నప్పుడు రామ్ మాటల వల్లే నలుగురికి సహాయం చేసే గుణం అలవర్చుకున్న దివ్యకి పెళ్లి గంట ఉందనగా రామ్ నిజ స్వరూపం బయట పడుతుంది. మరి రామ్ ను దివ్య పెళ్లి చేసుకుందా? దివ్య తన చిన్న నాటి స్నేహితురాలు అని తెలిసిన తరువాత రామ్ ఎలా రియాక్ట్ అయ్యాడు? చివరకు వీరి లవ్ ట్రాక్ ఎలా ముగిసింది అనేది తెలియాలంటే సినిమా చూడాల్సిందే.
కథ కథనం విశ్లేషణ: పసితనంలో చిగురించిన ప్రేమ పండు ముదుసలి వరకు వెంటాడుతూనే ఉంటుంది. అందుకే దాన్ని ఫస్ట్ క్రష్ అంటుంటారు. ఏ సెలబ్రిటీ ఆయినా… నీ ఫస్ట్ క్రష్ ఎవరనే ప్రశ్నని ఎదుర్కొంటూ ఉంటారు. అలాంటి ఇంచు మించు కథా కథనాలతో తెరకెక్కిందే ఈ చిత్రం. ఒక అమ్మాయి చిన్నప్పటి నుంచి ఒకరిని ఇష్టపడుతుంది. అతనే అమ్మాయికి స్పూర్తిని ఇచ్చాడు. అలాంటి వ్యక్తి కాలక్రమంలో మారి పోయాడని తెలిస్తే… ఆ అమ్మాయి పరిస్థితి ఏమిటి అనేది ‘లవ్ యు రామ్’ ప్రధాన పాయింట్. ఇది న్యూ ఏజ్ లవ్ స్టోరీ. ప్రస్తుత సోషియల్ నెట్వర్కింగ్ యుగంలో ఎక్కువ ప్రేమలు అక్కడే మొదలవుతున్నాయి. సోషల్ మీడియా ద్వారా మొబైల్ నెంబర్లు ఇచ్చిపుచ్చుకోవడం.. ఆ తర్వాత స్నేహం.. కొన్నాళ్లకు ప్రేమలో పడడం జరుగుతుంది. అంతవరకు ఇద్దరి మధ్య విపరీతమైన ప్రేమ ఉంటుంది. కానీ పెళ్లి తర్వాత ఒక్కొక్క నెగిటివ్ లేయర్ బయటపడుతుంది. చాలా కొత్త విషయాలు తెలుస్తాయి. ఇలాంటి సమయంలో ఆ ప్రేమకథ పరిస్థితి ఏమిటి? అనేది ఈ సినిమా ద్వారా చూపించారు. చాలా మంది జీవితాల్లో జరిగే కథ ఇది. ట్రెండింగ్ పాయింట్ ని కథగా మలిచాడు దర్శకుడు దశరథ్. దానిని తెరపై దర్శకుడు చౌదరి యూత్ కి కనెక్ట్ అయ్యేలా చూపించాడు. సినిమా ప్రారంభంలోనే హీరో క్యారెక్టర్ ఎలా ఉండబోతుందో చూపించారు. రేటింగ్ ఇస్తూ పెళ్లి కోసం ఆన్లైన్ వేదికగా అమ్మాయిని వెతకడం.. ఒక అమ్మాయిని ఫిక్స్ అయి ఇండియా కొస్తే.. ఆమె లేచిపోవడం.. చివరకు హీరోయిన్ ఇంటికి వెళ్లడం..ఆమెతో ప్రేమలో ఉన్నట్లు నటించడం… ఇరు కుటుంబాల మధ్య జరిగే సరదా సన్నివేశాలతో చూస్తుండగానే ఫస్టాఫ్ ముగుస్తుంది. ఇంటర్వెల్ ట్విస్ట్ సెకండాఫ్పై ఆసక్తిని కలిగిస్తుంది. హీరోయిన్ని ఇంప్రెస్ చేయడం కోసం హీరో ప్రయత్నించడం.. వెంటనే అతని నిజస్వరూపం హీరోయిన్కి తెలియడం… బాధపడడం.. మళ్లీ ఒక చాన్స్ ఇవ్వడం.. ఇలా ఊహకందని విధంగా కథనం సాగుతుంది. పీసీ పాత్రలో దశరథ్ చేసే కామెడీ, డబ్బు కోసం అబ్బాయి ఫ్యామిలీ వాళ్లను అమ్మాయి తండ్రి(బెనర్జీ) బురిటీ కొట్టించే సన్నివేశాలు ఆకట్టుకుంటాయి. ఇలాంటి స్టోరీ యువతని బాగా ఆకట్టుకుంది.
నటీనటుల పనతీరు…
వివాహాన్ని కూడా కమర్షియల్ గా చూసే రామ్ పాత్రకు…. రోహిత్ బెహల్ న్యాయం చేశాడు. పల్లెటూరికి చెందిన యువతి దివ్యగా అపర్ణ జనార్ధనన్ చక్కగా నటించింది. ఇక దర్శకుడు దశరథ్ తొలిసారి ఆన్ స్క్రీన్పై కనిపించాడు. పీసీ పాత్రలో నటించిన ఆయన.. కామెడీ బాగా పండించాడు. ఆయన వేసే పంచ్ డైలాగ్స్ నవ్వులు పూయిస్తాయి. జూదానికి అలవాటు పడి ఇంట్లోనే ఖాలీగా ఉంటున్న భర్తగా బెనర్జీ తన పాత్రలో ఒదిగిపోయాడు. ప్రదీప్, కాదంబరి కిరణ్ తో పాటు మిగిలిన నటీనటులు తమ పాత్రల పరిధిమేర నటించారు.
సాంకేతిక నిపుణుల పనితీరు…
న్యూ ఏజ్ లవ్ స్టోరీ ని ఎంచుకుని దర్శకుడు విజయం సాధించాడు. యూత్ కి బాగా కనెక్ట్ అయ్యే సినిమా ఇది. ఎడిటింగ్ ఇంకాస్త క్రిస్పీగా వుండాల్సింది. వేద అందించిన నేపథ్య సంగీతం బాగుంది. పాటలు పర్వాలేదు. సాయి సంతోష్ సినిమాటోగ్రఫీ బాగుంది. నిర్మాణ విలువలు చాలా క్వాలిటీగా ఉన్నాయి.. గో అండ్ వాచ్ ఇట్…!!!
Rating: 3
