“ఇరుముడి” మూవీ రివ్యూ (Irumudi Movie Review): బలమైన పాయింట్ ఉన్నా.. సాగతీత, రొటీన్ స్క్రీన్ప్లేతో నిరాశపరిచిన థ్రిల్లర్!
రవితేజ(Raviteja) తన రెగ్యులర్ మాస్ ఇమేజ్కు భిన్నంగా తండ్రి పాత్రలో కనిపించిన చిత్రం ‘ఇరుముడి’(irumudi). తండ్రి–కూతురు అనుబంధం, మహిళలపై జరుగుతున్న దారుణాలు, సామాజిక సందేశం వంటి అంశాలతో దర్శకుడు శివ నిర్వాణ(Shiva Nirvana) ఒక సీరియస్ ఎమోషనల్ థ్రిల్లర్ను తెరకెక్కించే ప్రయత్నం చేశారు. కాన్సెప్ట్ బలంగా ఉన్నప్పటికీ, ఆ స్థాయిలో ఆసక్తికరమైన స్క్రీన్ప్లేను అందించడంలో సినిమా తడబడుతుంది.
కథ: కూతురంటే ప్రాణంగా చూసుకునే తండ్రి చుట్టూ కథ మొదలవుతుంది. కుటుంబంలో చోటుచేసుకునే కొన్ని పరిణామాల కారణంగా హీరో జీవితంలో మార్పు వస్తుంది. అదే సమయంలో గ్రామంలో ఆడపిల్లలకు సంబంధించిన వరుస విషాద ఘటనలు అతడిని మరో సమస్యలోకి లాగుతాయి.
తన కూతురిని కాపాడుకోవడంతో పాటు, అసలు నేరం వెనుక ఉన్న వ్యక్తులను బయటపెట్టే ప్రయత్నం కథలో ప్రధాన అంశంగా మారుతుంది.
విశ్లేషణ: ‘ఇరుముడి’కి ఉన్న ప్రధాన సమస్య కథ కంటే స్క్రీన్ప్లే. దర్శకుడు చెప్పాలనుకున్న పాయింట్ బలంగానే ఉన్నప్పటికీ, దాన్ని ఆసక్తికరంగా నడిపించడంలో కొన్ని చోట్ల తడబాటు కనిపిస్తుంది.
ఫస్ట్ హాఫ్లో తండ్రి–కూతురు బంధాన్ని బలంగా ఎస్టాబ్లిష్ చేయడానికి ఎక్కువ సమయం తీసుకోవడంతో కథనం నెమ్మదిస్తుంది. ఎమోషన్ ఉన్నప్పటికీ, థ్రిల్ మాత్రం ఆశించిన స్థాయిలో కలిగించదు.
సెకండాఫ్లో కథ మరో మలుపు తీసుకున్న తర్వాత కూడా కొన్ని సన్నివేశాలు ప్రిడిక్టబుల్ గా ఉంటాయి. ముఖ్యంగా విలన్ ఎవరు? అసలు సమస్య వెనుక ఉన్నది ఎవరు? అనే అంశాల్లో సస్పెన్స్ విషయం పక్కన బెడితే ప్రేక్షకు లే ముందే ఊహించేయొచ్చు. కథనం రొటీన్ క్రైమ్-థ్రిల్లర్ ఫార్మాట్ లో సాగుతుంది. ముఖ్యంగా విలన్ రివీల్ ను ప్రేక్షకులు ముందే ఊహించేయొచ్చు.
మరో సమస్య టోన్లో వచ్చే మార్పులు. ఎమోషనల్ ఫ్యామిలీ డ్రామా నుంచి క్రైమ్ థ్రిల్లర్ వైపు సినిమా వెళ్లే సమయంలో కథనం కొంత అసహజంగా అనిపిస్తుంది. ట్విస్ట్ తర్వాత వచ్చే ఎపిసోడ్ కూడా మరింత బలంగా ఉండాల్సింది.
నటీనటుల నటన
రవితేజ తన పాత్రకు న్యాయం చేసే ప్రయత్నం చేశారు. ముఖ్యంగా తండ్రిగా ఆయన చూపించే బాధ, కోపం, ఆవేదన వంటి భావోద్వేగ సన్నివేశాల్లో నటన బాగుంది. అయితే మంచి నటనకు సరిపడే స్థాయిలో కథనం లేకపోవడం కొంత నిరాశ కలిగిస్తుంది.
బేబీ నక్షత్ర తండ్రి–కూతురు సన్నివేశాల్లో ఆకట్టుకుంటుంది. ఆమె పాత్ర సినిమాకు ఎమోషనల్ బలం ఇచ్చినప్పటికీ, కథలోని కొన్ని సంఘటనలు భావోద్వేగాన్ని సహజంగా కాకుండా బలవంతంగా రాబట్టినట్లుగా అనిపిస్తాయి.
ప్రియా భవానీ శంకర్ తదితర నటీనటులకు పెద్దగా స్కోప్ లేకపోవడం మరో మైనస్.
సాంకేతిక విభాగం
జీవీ ప్రకాశ్ కుమార్ సంగీతం, బ్యాక్గ్రౌండ్ స్కోర్ కొన్ని సన్నివేశాలకు బలాన్ని ఇచ్చినా, సినిమా మొత్తాన్ని ఎలివేట్ చేసే స్థాయిలో మాత్రం నిలవదు. యాక్షన్ సన్నివేశాలు కూడా కొన్ని చోట్ల అవసరానికి మించి సాగిన ఫీలింగ్ ఇస్తాయి.
దర్శకుడు శివ నిర్వాణ ఎమోషనల్ సన్నివేశాలను బాగా హ్యాండిల్ చేసినప్పటికీ, థ్రిల్లర్ ఎపిసోడ్ ను అదే స్థాయిలో డీల్ చేయలేక పోయాడు. ముఖ్యంగా కథలోని కీలక ట్విస్టులను ముందే ఊహించే అవకాశం ఇవ్వడం సినిమాకు పెద్ద మైనస్.
ఫైనల్గా
‘ఇరుముడి’కి మంచి ఉద్దేశం ఉంది.. బలమైన సామాజిక పాయింట్ ఉంది.. రవితేజ లాంటి నటుడు ఉన్నాడు. కానీ ఇవన్నీ మంచి సినిమాగా మార్చడానికి సరైన స్క్రీన్ప్లే మాత్రం తడబడింది.
తండ్రి–కూతురు ఎమోషన్ కొన్ని చోట్ల పనిచేసినా, స్లో కథనం, రొటీన్ థ్రిల్లర్ టెంప్లేట్, ప్రిడిక్టబుల్ ట్విస్టులు, సాగతీత సన్నివేశాలు సినిమాను వెనక్కి లాగుతాయి.
రవితేజ నటన కోసం ఒకసారి చూడొచ్చు కానీ, గొప్ప ఎమోషనల్ థ్రిల్లర్ను ఆశించి వెళ్తే మాత్రం ‘ఇరుముడి’ నిరాశపరిచే అవకాశమే ఎక్కువ.
రేటింగ్: 2.5 / 5
#irumudireview #irumudireviewrating #irumudireviewandrating #Raviteja #shivanirvana #tollywoodupdates #tollywoodnewmovie #ravitejanewmovie
