విశ్వనాథ్ అండ్ సన్స్(Vishwanath and Sons) మూవీ రివ్యూ: సూర్య నటన అదుర్స్.. వెంకీ అట్లూరి మార్క్ ఫ్యామిలీ ఎంటర్టైనర్!
సూర్య(Suriya), వెంకీ అట్లూరి(Venky Atluri) కాంబినేషన్లో తెరకెక్కిన ‘విశ్వనాథ్ అండ్ సన్స్’(Vishwanath and Sons)భారీ అంచనాల మధ్య ప్రేక్షకుల ముందుకు వచ్చింది. సార్, ‘లక్కీ భాస్కర్’ తర్వాత వెంకీ అట్లూరి దర్శకత్వంలో వచ్చిన ఈ సినిమా పూర్తిస్థాయి ఫ్యామిలీ ఎమోషనల్ ఎంటర్టైనర్గా తెరకెక్కింది. సూర్యకు జోడీగా మమితా బైజు నటించగా, రాధిక కీలక పాత్రలో కనిపించారు. నాగవంశీ నిర్మాత(Naga Vamsi). ఈ సినిమా ఈరోజే ప్రేక్షకుల ముందుకు వచ్చింది. ఈ సినిమా ఎలా ఉందో రివ్యూలో చూద్దాం పదండి.
కథ: సంజయ్ విశ్వనాథ్ (సూర్య) ఒక బిజీ బిజినెస్మ్యాన్. చిన్నతనంలో కొన్ని కారణాల వల్ల పెళ్లి చేసుకోకూడదని నిర్ణయించుకున్న అతను.. తన తల్లి కోరికను మాత్రం తీర్చాలని భావిస్తాడు.
తల్లి తన వంశం కొనసాగాలని కోరుకోవడంతో సంజయ్ సరోగసీ ద్వారా ఒక బిడ్డకు తండ్రి అవుతాడు. ఆ తర్వాత అతని జీవితంలోకి వచ్చే పరిణామాలు, కుటుంబ బంధాలు, ప్రేమ, భావోద్వేగాల సమాహారమే విశ్వనాథ్ అండ్ సన్స్.
విశ్లేషణ:
విశ్వనాథ్ అండ్ సన్స్ ప్రధాన బలం ఫ్యామిలీ ఎమోషన్స్. కథను కమర్షియల్ హంగులతో కాకుండా కుటుంబ బంధాలు, అనుబంధాలు, భావోద్వేగాలకు ప్రాధాన్యతనిస్తూ తెరకెక్కించారు.
వెంకీ అట్లూరి రాసిన సంభాషణలు సినిమాకు ప్రధాన బలంగా నిలిచాయి. సహజంగా, హృదయానికి హత్తుకునేలా డైలాగ్స్ ఉండటం ప్రేక్షకులను కథతో కనెక్ట్ చేస్తుంది.
సినిమాలోని భావోద్వేగ సన్నివేశాలు ఆకట్టుకుంటాయి. ముఖ్యంగా సూర్య నటన, ఎమోషనల్ సీన్స్ ప్రేక్షకులకు బాగా కనెక్ట్ అవుతాయి.
నటీనటుల నటన
సూర్య మరోసారి తన అద్భుతమైన నటనతో మెప్పించారు. సంజయ్ విశ్వనాథ్ పాత్రకు తనదైన స్టైల్లో న్యాయం చేశారు. ముఖ్యంగా ఎమోషనల్ సన్నివేశాల్లో సూర్య పెర్ఫార్మెన్స్ సినిమాకు హైలైట్గా నిలుస్తుంది.
మమితా బైజు తన పాత్రలో సహజమైన నటనతో ఆకట్టుకున్నారు. సూర్యతో ఆమె కెమిస్ట్రీ కూడా సినిమాకు మంచి ఫీల్ తీసుకొచ్చింది.
రాధిక కూడా తన అనుభవంతో పాత్రకు బలాన్ని చేకూర్చారు. ప్రధాన నటీనటుల పెర్ఫార్మెన్స్ సినిమాకు ప్లస్ పాయింట్గా నిలిచింది.
సాంకేతిక నిపుణుల పనితీరు
దర్శకుడు వెంకీ అట్లూరి ఫ్యామిలీ ఎమోషన్స్ను తెరపై చక్కగా ఆవిష్కరించారు. ముఖ్యంగా ఆయన రాసిన డైలాగ్స్ సినిమాకు ప్రత్యేక ఆకర్షణగా నిలిచాయి.
జి.వి. ప్రకాశ్ కుమార్ సంగీతం సినిమాకు తగ్గట్టుగా ఉంది. ఎమోషనల్ సీన్లలో బ్యాక్గ్రౌండ్ స్కోర్ మంచి అనుభూతిని అందిస్తుంది.
సినిమాటోగ్రఫీ రిచ్ గా ఉంది. సూర్యను స్టైలిష్ గా చూపించారు.
సితార నాగవంశీ ఎక్కడా రాజీ పడకుండా సినిమాను తెరకెక్కించారు. నిర్మాణ విలువలు చాలా ఉన్నతంగా ఉన్నాయి.
ఫైనల్గా…
‘విశ్వనాథ్ అండ్ సన్స్’ ఒక క్లీన్ ఫ్యామిలీ ఎంటర్టైనర్. సూర్య అద్భుతమైన నటన, మమితా బైజు పెర్ఫార్మెన్స్, వెంకీ అట్లూరి సహజమైన డైలాగ్స్, కుటుంబ భావోద్వేగాలు సినిమాకు ప్రధాన బలాలు.
కుటుంబంతో కలిసి చూసే క్లీన్ ఎమోషనల్ ఎంటర్టైనర్ కోరుకునే ప్రేక్షకులకు ఈ సినిమా మంచి ఆప్షన్ … గో అండ్ వాచ్ ఇట్…!!!
రేటింగ్: 3.75/5
